ILOILO CITY- Nakalockdown ang mga pasilidad sang Bureau of Jail Management and Penology 6 bangud man sa pamahog sang coronavirus disease 2019.
Sa interview sang Bombo Radyo kay Bureau of Jail Management and Penology 6 Assistant Regional Director Jail Senior Superintendent Gilbert Peremne, iya ginpahayag nga nakalockdown sila kag wala sang movement sang mga personnel.
Suno kay Peremne, bangud may yara sang nagpositibo sa Covid-19 nga personnel sang ila talatapan, sila sa regional office ang nagapaidalom na sa subong sa 14 day mandatory quarantine kag ginamonitor man sang doktor.
Pahayag pa ni Peremne, kun may yara sang makitaan sang sintomas sang nasambit nga virus, gilayun man ang mga ini ipaidalom sa covid-19 testing.
Ginpasigurado man sang natungdan, nga ang tanan nga goods nga nagasulod sa pasilidad ang naga-agi sa husto nga proseso.
