Excited na ang Passi City College nga mag-upod sa Dugong Bombo 2026.
Sa interview sang Bombo Radyo kay Dr. Janice Jennifer Palmares, administrator kag president sang nasambit nga kolehiyo, iya ginpahayag nga ikaduwa nga tuig na nila ini nga pagpakigbahin sa Dugong Bombo.
Apang suno sa iya, dako ini nga dungog para sa ila nga mangin instrumento agud makabulig sa pagsalbar sang kabuhi sang madamo nga Pilipino.
Suno sa iya, subong nga tuig, mas madamo pa nga mga volunteer blood donors ang ila nga dal-on in agud mas madamo nga dugo ang matipon kag mas madamo nga kabuhi ang masugpunan.
Ang Dugong Bombo bilang isa ka makahulugan nga programa sang Bombo Radyo Philippines, in partnership with Bombo Radyo Philippines Foundation, Inc. kag Philippine Red Cross, ang dululungan nga patigayunon sa Nobyembre 14, 2026 sa bilog nga pungsod kun sa diin may yara sang Bombo Radio kag Star Fm Stations.
Dito sa Iloilo, ang venue amo ang Iloilo Science and Technology University, La Paz, Iloilo City.
Ang mga successful blood donors ang makabaton sang limited-edition kag specially designed Dugong Bombo T-shirt, vitamins, kag hot meal.
𝗗𝘂𝗴𝗼𝗻𝗴 𝗕𝗼𝗺𝗯𝗼 — 𝗔 𝗟𝗶𝘁𝘁𝗹𝗲 𝗣𝗮𝗶𝗻, 𝗔 𝗟𝗶𝗳𝗲 𝘁𝗼 𝗚𝗮𝗶𝗻!
