PASSI CITY, ILOILO – 100% ready na ang Local Government Unit sang Passi City sa ika-duha nga hugnat sang Dugong Bombo 2020 sa Hulyo 29 nga patigayunon sa Don Valerio Palmares Sr. Memorial District Hospital sa nasambit nga component city.
Sa interview sang Bombo Radyo kay Mayor Stephen Palmares, iya ginpahayag nga sang Hulyo 22, naglab-ot sa 103 ka bag sang dugo ang natipon paagi sa pagbuligay sang Bombo Radyo Philippines, “Dugo Ko, Ibulig Ko, Passinhon Ako” program sang Passi City Government kag sang Philippine Red Cross.
Suno kay Palmares, makabig nga successful ang una nga hugnat sang Dugong Bombo kag kun tani, mangin ksubong man ang matabo sa Hulyo 29.
Ginpahayag ni Palmares nga daku ang mabulig sang Dugong Bombo ilabi na subong nga may pandemya kag ginakulang ang supply sang dugo.
