Champion sa lima ka categories ang syudad sang Passi sa ginpatigayon nga Excellence in Local Governance Awards 2021 sang Department of the Interior and Local Government (DILG) Region VI.
“We are so happy. Imaw kami ni Mayor Stephen Palmares. Daw Tatay lang ako kag tana ang bata ko… Bal-an mo man ang feeling kun puro champion kaw!” malipayon nga pahayag ni Passi City Vice Mayor Jesry Palmares, anay alkalde sang syudad.
Sa ginpatigayon nga awarding, five over five ang syudad sang Passi ukon na-perfect ang lima ka categories.
Yari ang awards:
* Best Performing LGU (sa Cities Category)
* Champion – Administrative Governance
* Champion – Local Legislation
* Champion – Social Governance
* Champion – Environmental Governance
* Champion – Economic Governance
Nangin Best Performing City man ang Passi sang 2018 suno kay Palmares kag nalipay sang LGU nga napadayon ini subong nga tuig.
Ini man ang una nga tion nga nangin champion ang syudad sa local legislation nga kategorya.
Sunod nga target sang Passi nga mangin recipient liwat sang coveted Seal of Good Local Governance (SGLG) award.##
