PASSI CITY – Handa na nga batunon sang Passi City ang anum ka mga gin-repatriate nga Overseas Filipino Worker nga magapauli.
Sa interview sang Bombo Radyo kay Passi City Mayor Stephen Palmares, iya ginpahayag nga antes nila batunon ang mga Overseas Filipino Worker tsekyaron nila anay nga nakapaidalom sila sa test kag negatibo ang ila nga resulta.
Suno kay Palmares, nakahanda na man ang quarantine facility nga pahamtangan sang mga OFW sa diin sila magapaidalom sa 14 ka adlaw nga quarantine.
Dugang sang natungdan, may yara man sya sang gintukod nga komitiba nga amo ang may katungdanan nga mag-atipan sa mga kinahanglanon sang mga OFW.
