PASSI CITY – Makit-an kag mabatyagan ang ispirito sang paskwa sa mga plaza kag barangay sa Passi City.
Sa exclusive interview sang Bombo Radyo kay Passi City Mayor Stephen Palmares, iya ginpahayag nga liwat nga gindekorahan ang mga plaza agud mabatyagan sang pumuluyo ang ispirito sang paskwa sa tunga sang COVID-19 pandemic.
Ginpa-athag ni Palmares nga tinutuyo sang opening of lights sa mga plaza indi ang pagdugso sang pumuluyo kundi ang pagbuhi sang Paskwa sa pagselebrar sa tagsa ka panimalay.
Pahayag sang natungdan nga may yara man sila sang proyekto nga Christmas village sa kada barangay.
Diri kag ang tagsa ka barangay ang mabutang sang mga Christmas decoration indi agud nga magtilipon ang pumuluyo.
