Gin-athag ni Passi City Mayor Atty. Stephen Palmares nga indi matuod ang nagalapta nga impormasyon nga wala na siya naga-suporta sa reelection bid ni Iloilo Fourth District Representative Ferj Biron.
Ini kasunod sang nagguwa nga mga impormasyon sa social media nga siya kag si Department of Agrarian Reform Undersecretary Jesry Palmares ang nagbawi na sang ila nga pag-upod sa kandidatura sang kongresista.
Sa interview sang Bombo Radyo sa alkalde, iya ginpahayag nga nagalapta ini nga mga “fake news” bangud nagahilapit na gid ang Mayo 12 nga eleksyon.
Panugyan sini, indi pagpatihan ang kaangay sini nga mga impormasyon magluwas lang kun may yara sang official statement halin mismo sa iya.
Ginsulit man sini ang suporta niya kag ni Usec Palmares sa kandidatura ni Anilao Mayor Lee Ann Debuque sa pagka-bise gobernador sang probinsya sang Iloilo.
