ILOILO CITY- Ginakasubo in Passi City Mayor Atty. Stephen Palmares nga isa ka empleyado sang ila local government unit ang nadakpan sa buy bust operation.
Ang subject amo si Alyas “Bukaw,” 41, residente sang Brgy. Poblacion Ilawod sa amo nga syudad kag nakuhaan sang iligal nga druga nga nagabalor Php 210,800.00.
Si Bukaw nga nagatrabaho sa idalom sang Treasurer’s Office kag assigned sa bus terminal ang isa ka former drug surrenderee.
Sa interview sang Bombo Radyo kay Mayor Palmares, iya ginpahayag nga apisar ila ini empleyado, nagapakita lang ini nga wala niya ginaintrahan ang trabaho sang kapulisan.
Suno kay Palmares, may standing order ini sa kapulisan nga dakpon kun sin-o man ang nagalapas saa layi.
Plano naman sang alkalde nga ipaidalom sa random drug test ang ila mga empleyado.
Ginpasiguro man sini nga pasakaan sang kaso ang nasambit nga empleyado nga involved sa illegal drugs.
