Gindayaw ni Passi City Mayor Stephen Palmares ang maayo nga akomodasyon sang Agusan del Sur para sa mga delegado sang Region VI sa Palarong Pambansa 2026.
Sa interview sang Bombo Radyo kay Palmares, iya ginpahayag nga dako ang iya pagpasalamat sa mainit nga pagbaton sang host province sa mga atleta, coaches kag opisyal nga halin sa Western Visayas.
Suno pa sa alkalde, maayo gid nagbuylugay ang bug-os nga CARAGA region agud matigayon nga mabutangan sang air-conditioned ang kada kwarto nga ila ginadayunan.
Pahayag pa sang alcalde, padayon ini nga magasuporta sa mga atleta kag coaches sang division of Passi City, rason kun ngaa nagpadulong gid ini sa lugar agud mapakita ang iya nga pagsuporta.
Dugang pa ni Palmares nga tubtob may yara sang hampang ang atleta halin sa Passi City, magapabilin ini sa Agusan Del Sur agud magbulig kag magsuporta sa mga atleta kag coaches sang iya syudad.
