ILOILO – Duha na ka mga banwa kag isa ka component city sa Iloilo ang ginpaidalom sa State of Calamity bangud sa dengue.
Una nga nagdeklarar sang State of Calamity ang Passi City.
Ini ang ginsundan sang Tigbauan kag Miagao, Iloilo.
Nagdeklarar naman sang outbreak si Iloilo Governor Arthur Defensor Jr. bangud sa pagsaka sang kaso sang dengue sa probinsya.
Sa data sang Iloilo Provincial Health Office, may yara na sang masobra 4,500 ka mga dengue cases ang narekord sa Iloilo humalin sang Enero.
Sa nasambit nga numero, 241 ang na-admit sa mga ospital kag 10 naman ang napatay.
