Nagpanawagan ang detained televangelist kag senatorial candidate nga si Pastor Apollo Quiboloy sang manual recount sang senatorial votes sa tunga sang reports sang election irregularities.
Ang statement ginpagwa sang iya kampo kagab-i paagi sa iya official spokesperson nga si Atty. Israelito Torreon.
Nagpasalamat man ang kampo ni Quiboloy sa mga Filipinos nga nagboto sa iya.
Si Quiboloy ang kabahin sang “DuterTEN” ukon ang 10 ka senatorial candidates nga suportado ni former President Rodrigo Duterte.
Nahibaluan nga yara si Quiboloy sa ika -31 nga pwesto sang mga senatoriables matapos nakakuha sang malapit sa 5.6 votes.
Apang suno kay Torreon, ang away ang indi matapos sa eleksyon bangud madamo sang isyu sa eleksyon kaangay sang overvoting anomalies, inconsistencies sa ballot readings, kag iban nga electoral irregularities gani kinahanglan suno kay Pastor Quiboloy sang manual recount sang senatorial votes.
Una na gin-engganyo ni Torreon ang Comelec nga mag-implementar sang manual vote counting sa precinct level para sa May 2025 elections.
Apang, sabat ni Comelec Chairman George Erwin Garcia nga indi ini mahimo sang komisyon bangud ginamando ini sa Republic Act No. 9369 ukon ang Automated Election Law nga kinahanglan nga automated ang precinct-level voting sa municipal, provincial, kag national canvassing.
