ILOILO CITY – Ginpakamalaot sang Philippine Athletics Track and Field Association (PATAFA) ang Philippine Olympics Committee (POC) bangud gintumod si EJ Obiena bilang Olympic scholar sa baylo sang sprinter nga si Kristina Knott.
Gintawag nga immoral sang PATAFA ang nangin tikang sang POC.
Sa ginpagwa nga statement sang PATAFA, gin-nominate nila ang sprinter nga si Kristina Knott nga makabaton sang International Olympic Committee (IOC) grant nga makabulig sa mga atleta sa pagpanghanda para sa Paris Olympic Games 2024.
Nahibaluan nga may yara pa sang funding dispute ang PATAFA kay Obiena kag ginkakas ang Asia’s top pole vaulter sa training pool.
Ang PATAFA ang gin-suspend sang POC sang 90 ka adlaw bangud sa isyu kay Obiena.
Apang, nagpanindugan ang PATAFA nga si Knott ang may kinamatarong nga mag-avail sang Olympic Solidarity Scholarship Grant bangud na-meet sini ang criteria kag procedures sa idalom sang World Athletics.
Dugang pa sang PATAFA, ang endorsement kay Knott ang madugay na nga desisyon antes pa man naggwa ang isyu sang indi pagbayad ni Obiena sa iya Ukrainian coach.
