22 ka mga tawo ang napatay bangud sang sunog sa isa ka restaurant sa northeastern nga bahin sang China.
Wala pa ginbuyagyag sang Xinhua ang rason sang sunog, apang ginpahayag sini nga ginpatawag na ini ni President Xi Jinping nga “isa ka madalom nga leksyon” kag ginmanduan niya ang mga lokal nga opisyal nga dali-dalion ang pagbulig sa mga pilason, imbistigaran ang kabangdanan sang sunog, kag pasakaan sang kaso ang mga responsable.
Ang insidente ginakabig naman nga pinakaulihi nga serye sang mga trahedya nga may kapareho nga kahimtangan sa nagkalain-lain nga bahin sang pungsod.
Ginapaabot pa ang dugang nga impormasyon samtang ginapadayon ang imbestigasyon sang mga otoridad.
