Nagdangat na sa 150 ang numero san patay bangud sa Bagyo Kristine kag Bagyo Leon.
Suno sa National Disaster Risk Reduction and Management Council (NDRRMC), 29 ang na-report nga missing kag 115 naman ang pilason.
Apektado man sang duha ka mga bagyo ang 7,494,023 ka mga indibidwal ukon 1,892,226 ka mga pamilya sa 17 ka rehiyon sa pungsod.
Kalabanan sa mga ini ang na-report sa Bicol nga may 2,684,154 ka mga indibidwal, ginasundan sang Central Luzon nga may 1,092,750 kag Calabarzon nga may 752,793.
Sa kabug-usan nga apektado nga populasyon, 330,649 ka mga indibidwal ukon 85,536 ka mga pamilya ang nagatinir sa evacuation centers.
Samtang 429,483 ka mga indibidwal ukon 87,617 ka mga pamilya ang nagatinir naman sa iban nga lugar.
Nagdangat naman sa 150,511 ka mga pamalay ang naguba sa diin 139,571 ang partially kag 10,940 naman ang totally.
P6.39 billion naman ang halit sa infrastructure kag P2.86 billion naman sa agrikultura.
P32.6 million naman ang halit sa mga irrigation facilities.
