Nagsaka na sa 188 ang death toll kasunod sang lapnagon kag makamamatay nga pagbaha sa Germany kag Belgium.
Mismo si German Chancellor Angela Merkel ang nagpahayag sang tuman nga kakibot sa iya ginpahayag ‘surreal destruction’ nga tuga sang baha — ang ginapahayag man nga worst natural disaster sa amo nga pungsod sa sulod sang masobra tunga sa siglo.
Padayon man ang pagpangita sa iban pa nga posible survivors sa Western Germany bangud mataas sa gihapon ang lebel sang tubig.
Ang mamunog nga pag-ulan ang padayon gihapon nga nagatuga sang halit apang subong nakasentro naman sa Austria kag southern Germany
Ginabasol sang European leaders ang climate change kasunod sang baha nga nag-apekto man pati sa Switzerland, Luxembourg kag Netherlands.
