Pito ang nagdugang sa mga napatay bangud sa COVID-19 sa Western Visayas.
Base sa December 14 case bulletin sang Department of Health, may yara na sang 603 reported deaths ang rehiyon 6.
Apisar sini, 58 naman ang nagdugang sa mga nag-ayo sa diin 18,552 na ang kabug-usan nga numero sang mga pasyente nga naka recover.
Samtang ang COVID-19 cases sa Western Visayas ang naglab-ot na sa 20,759 matapos nadugangan ini sang 70 ka mga panibag-o nga kaso.
Sa panibag-o nga kaso, ang Negros Occidental ang nadugangan sang 14 ka kaso, Bacolod City nga may 13; Capiz nga may 8; Iloilo nga may 23; Aklan nga may 5; Antique nga may 2; Guimaras nga may 3; kag Iloilo City nga may 2 ka kaso sang COVID-19.
Apang ang total active cases na lang sa rehiyon 6 ang yara sa 1,599.
Kun pahat-pahaton ang kaso sang COVID-19 sa tagsa ka mga probinsya kag syudad sa Western Visayas;
Aklan – 360
Antique – 82
Capiz – 1,155
Guimaras – 235
Iloilo – 2,797
Negros Occidental – 6,080
Bacolod City – 5,519
Iloilo City – 4,531
