Iloilo Province sa gihapon ang may pinakamataas nga new cases sang COVID-19 sa bilog nga Western Visayas.
Santo sa Septyembre 1 nga bulletin sang Department of Health Region VI, out of 641 nga new cases sa rehiyon, 216 gid ang naghalin sa probinsya sang Iloilo.
56 naman ang halin sa Aklan, 16 sa Antique, 55 sa Capiz, 54 sa Guimaras, 66 sa Negros Occidental, 52 sa Bacolod City, kag 126 sa Iloilo City.
105,112 na subong ang cumulative number of cases sa bilog nga rehiyon.
Kun pahat-pahaton ang active cases:
Aklan – 760
Antique – 905
Capiz – 1,063
Guimaras – 583
Iloilo Province – 4,816
Negros Occidental – 1,339
Bacolod City – 925
Iloilo City – 1,607
Sa recoveries, 488 ang nagdugang. Sa subong, 90,611 na ang total reported nga recoveries sa bilog nga rehiyon.
Sa mga napatay, 38 ang bag-o nga nagdugang kag 2,479 na subong ang total reported deaths.
Sa bag-o nga mga napatay, duha ang halin sa Antique, isa sa Guimaras, 21 sa Iloilo Province, anom sa Negros Occidental, apat sa Bacolod City, kag apat man sa Iloilo City.
