Wala nadugangan ang numero sang mga napatay bangud sa COVID-19 sa Western Visayas.
Base sa case bulletin sang Department of Health, may yara na sang 748 reported deaths ang rehiyon 6.
Apisar sini, 11 naman ang nagdugang sa mga nag-ayo sa diin 23,323 na ang kabug-usan nga numero sang mga pasyente nga naka recover.
Samtang ang COVID-19 cases sa Western Visayas ang naglab-ot na sa 25,353 matapos nadugangan ini sang 57 ka mga panibag-o nga kaso.
Sa panibag-o nga kaso, ang Negros Occidental ang nadugangan sang siyam ka kaso, Bacolod City nga may tatlo; Aklan nga may anom; Guimaras nga may siyam; Iloilo nga may 22 kag Iloilo City nga may walo ka kaso sang COVID-19.
Apang ang total active cases na lang sa rehiyon 6 ang yara sa 1,276.
Kun pahat-pahaton ang kaso sang COVID-19 sa tagsa ka mga probinsya kag syudad sa Western Visayas;
Aklan – 955
Antique – 113
Capiz – 1,305
Guimaras – 319
Iloilo – 4,572
Negros Occidental – 6,856
Bacolod City – 5,845
Iloilo City – 5,388
