Nadugangan sang 54 ang numero sang mga napatay bangud sa COVID-19 sa diin 2,614 na subong ang total reported deaths sa bilog nga Western Visayas.
Sa bag-o nga mga napatay, isa ang naghalin sa Guimaras, tig-tatlo sa Negros Occidental, Bacolod City, kag Iloilo City, apat sa Iloilo Province, lima sa Aklan, kag 35 ang halin sa Antique,
Sa new cases, Iloilo Province sa gihapon ang may pinakamataas nga numero sang COVID-19 sa bilog nga rehiyon.
Santo sa Septyembre 8 nga bulletin sang Department of Health Region VI, out of 834 nga new cases sa rehiyon, 315 gid ang naghalin sa Probinsya sang Iloilo.
43 naman ang halin sa Aklan, 35 sa Antique, 68 sa Capiz, 24 sa Guimaras, 124 sa Negros Occidental, 86 sa Bacolod City, kag 139 sa Iloilo City.
110,902 na subong ang cumulative number of cases sa bilog nga rehiyon.
Kun pahat-pahaton ang active cases:
Aklan – 616
Antique – 842
Capiz – 1,186
Guimaras – 693
Iloilo Province – 5,877
Negros Occidental – 1,648
Bacolod City – 1,087
Iloilo City – 2,078
Nadugangan naman sang 502 ang numero sang mga nag-ayo sa COVID-19 sa diin 94,236 na ang total reported nga recoveries sa bilog nga Western Visayas.
