SOUTH KOREA – Indi magnubo sa 26 ang patay sa sulod sang 46 ka adlaw nga pag-ulan sa South Korea kun sa diin ini na ang pinakamalawig nga monsoon rains nga na eksperyensyahan sa sulod sang pito ka tuig nga nagresulta sang pagbaha, pagkatiphag sang duta kag evacuation sa indi magnubo sa 5,000 ka residente.
Suno sa Ministry of the Interior and Safety, ang southern part sang Korean peninsula ang tuman nga naapektuhan sang pag-ulan kun sa diin 10 ka tawo ang missing.
Sa Seomjin River, nagguba ang 100m sang levee rason nga 1,900 ka residente ang gin-evacuate kag bangud sini, may ginpaguwa nga landslide warning sa magluwas sa Jeju Island.
Naglab-ot naman sa 12 ka local flights ang ginkansela sa Gwangju airport matapos ginbaha ang runway.
Sa North Korea, ginpahayag sang third-highest ranking official nga si Premier Pak Pong Ju nga padayon ang assessment sa kahalitan nga tuga sang baha sa ilabi na sa mga lugar nga yara sa southwest regions.
