Isa ka bangkay sang lapsag nga babaye ang nakalkalan sang mga ido sa basurahan sa Libon, Albay.
Nakit-an sang isa ka residente nga nagatumpok ang mga ido sa basurahan gani iya ini ginkadtuan kag didto nakita ang patay nga lapsag nga ginaagawan sang mga ido agud kaunon.
Natigayon sini nga matabog ang mga ido kag gin-report sa otoridad ang nakita nga lapsag nga ginabanta nga anom ka bulan pa lang ukon premature pa.
Ginpabendisyunan ang amo nga lapsag antes ginlubong.
Padayon pa ang imbestigasyon agud matumod ang iloy ukon ginikanan sang lapsag.
