Nagpabalhag sa Bombo Radyo sang mga pumuluyo nga naga jogging sa Lapaz public plaza bangud sa nagabaho nga isda sa lagoon sang nasambit nga lugar.
Sa interview sang Bombo Radyo kay Mr.Boy Gabino isa sa mga jogger sa nasambit nga plaza iya ginpahayag nga tuman na kabaho sang lagoon kag maitom na ang tubig bangud sa mga patay nga isda.
Suno sa nagpabalhag nagakabalaka sila bangud ini ang delikado kag ini ang posible tunaan sang dengue.
Padayon nga ginalauman sang mga pumuluyo nga makalab-ot sa otoridad ang ila nga ginpabalhag agud mahatagan ini sang nagakadapat nga aksyon.
