Nasapwan sa kilid sang baybay sang Barangay Singcang-Airport, Bacolod City ang isa ka patay nga whale shark.
Suno sa City Agriculture Office (CAO), ang whale shark may ara sang kasangkaron nga pito ka metros kag may bug-at nga 3 to 4 metric tons.
Kasunod sini, wala man sang may nakit-an nga pilas sa lawas sang whale shark.
Gin-alerto na sang City Government ang nagakalain-lain nga ahensiya kaangay sang Bacolod Environment and Natural Resources Office (BENRO), Disaster Risk Reduction and Management Office (DRRMO), kag City Engineer’s Office (CEO) nga magbuligay para i-retrieve ang bangkay sang whale shark kag hatagan sang insakto nga lubong.
Ang whale shark isa sa mga ginaprotektahan sang Philippine fisheries regulations, kun sa diin ginadumilian ang mga tawo nga dakpon, patyon kag ibaligya ang nasambit nga isda.
Ginaabisuhan man ang publiko nga indi pagpalapitan ukon kuhaan sang litrato kun maka-encounter sang whale sharks bangud nagatuga ini sang stress sa nasambit nga sapat.
