LEON, ILOILO – Tatlo ang patay samtang isa ang pilason matapos naaksidente ang 10-wheeler truck sa Brgy. Maliao, Leon, Iloilo.
Santo sa imbestigasyon sang mga otoridad, nakabunggo sa daku nga bato ang 10- wheeler truck rason nga natumba ini kag naipit ang driver nga si Marvin Soliva sang Brgy. Tina-an Norte.
Ginapahayag nga halin sa Sitio Tabionan sa Brgy. Bucari ang truck kag nagapadulhog na sa Brgy. Buga sang natabo ang aksidente.
Nagaguwa nga nadulaan sang preno ang truck rason nga natabo ang aksidente kun sa diin duha ang dead on the spot samtang ang isa naman sa mga sakay ang ginbawi-an na sang kabuhi sa hospital.
Magluwas sa driver nga si Soliva nga naka-angkon sang patal nga pilas sa ulo, hawak kag tiil, ginbawi-an man sang kabuhi sanday Christian John Taghap sang Sitio Miac-at sa Brgy. Poblacion kag Jay Campo sang Brgy. Tina-an Norte.
Padayon naman nga ginabulong sa hospital ang isa pa gid ka biktima nga si Roel Campo sang Brgy. Tina-an Norte.
Ang mga biktima ang lunsay yara sa legal nga edad kag residente sang banwa sang Leon.
Ang truck ang ginapanag-iyahan sang Camcu Construction ang Supplies.
