Nagsaka na sa 47 ang narekord nga patay sa Batangas bangud sa landslide, pagkalunod, kag pagkakuryente sa kasagsagan sang paglaslas sang Bagyo Kristine.
Santo ini sa kumpirmasyon ni Col. Jack Malinao nga director sang Batangas Police Provincial Office.
Pahayag sini, 17 pa ang ginapangita subong matapos na-report nga missing.
Sa sini nga numero, may 18 nga na-rekord nga patay sa Purok B, Barangay Sampaloc Talisay, Batangas matapos natiphagan sang duta.
Kahapon sang aga, may yara sang 14 nga nakutkutan nga bangkay apang nagdugang ang apat ka bangkay pasado alas singko kahapon sang hapon nga ginalakipan sang duha ka lamharon nga babaye, isa ka tigulang, kag isa ka bata nga lalaki.
12 sa 14 nga una na-recover nga bangkay ang lunsay man kabataan.
Temporaryo man nga ginsuspinde ang search and retrieval operation sa iban nga missing persons kagab-i bangud delikado na ang area apang natalana ini nga i-resume subong nga Sabado.
Nagdeklarar naman si Batangas Governor Hermilando Mandanas sang state of calamity bangud sa malala nga epekto nga ginbilin sang bagyo antes ini nagguwa sa Philippine Area of Responsibility.
