ILOILO CITY – Naglab-ot na sa 21 ang napatay sa ginpatigayon nga drug operations sa Western Visayas humalin Disyembre 5, 2017 tubtob Nobyembre 4, 2019.
Sa interview sang Bombo Radyo kay Police Lt. Col. Joem Malong, tapamaba sang Police Regional Office 6, iya ginpahayag nga sa tion nga may yara sang nagakapatay sa police operation, gilayon man nga naga-imbestogar ang Regional Internal Affairs Service.
Suno kay Malong, ginatutukan ang Negros Occidental kag Bacolod City apang wala man ginapabay-an ang iban nga mga lugar.
Ginpahayag ni Malong nga sang tion nga nadestino si Pol. Lt. Col. Jovie Espenido sa Bacolod City, may yara sang development sa ginapatigayon sang operayson sa diin sang nagligad nga semana, naglab-ot na sa P6.8 million ang balor illegal drugs nga nakuha.
Sa Cebu man sa gihapon suno kay Malong nagahalin ang supply sang illegal drugs nga ginabaligya sa Bacolod City kag NegroS Occidental kag posible nga ginapaagi sa mga pantalan.
