Nadugangan pa ang mga nakit-an sang search and rescue teams nga mga lawas sang tawo nga wala na sang kabuhi sa Haiti kasunod sang pagtay-og sang mabaskog nga linog sang tinalikdan nga mga inadlaw.
Magnitude 7.2 nga linog ang nag-igo sa Haiti.
Sa subong, yara na sa 2,189 ka tawo ang patay, 12,268 ang nagapabilin sa ospital kag 332 pa ang missing.
Suno kay Jerry Chandler, head sang Civil Protection Agency sa Haiti, indi magnubo sa 600,000 ka tawo ang nagakinahanglan sang humanitarian assistance kag 135,000 ka pamilya ang displaced.
Nangin mabudlay pa subong ang rescue kag recovery efforts bangud sa bagyo.
Madamo naman sang mga U.S forces ang ginpangdeploy sa nasambit nga pungsod.
