Padayon ang pagtaas sang numero saang mga patay sa nagluntad nga pagbaha kag landslides sa India kag Nepal sa diin masobra sa minilyon nga pumuluyo ang apektado.
Nag untat na ang pagbubo sang ulan apang wala sa gihapon nag-untat ang halit nga gin tuga sang baha kag landslides.// Samtang gina ekspektar naman nga padayon nga maeksperyensyahan ang mamunog nga ulan sa India, Bangladesh kag Pakistan sa masunod nga mga inadlaw.
Nahibaluan nga ang Nepal ang pinaka nangin apektado sang nasambit nga kalamidad nga may yara sang gina banta 78 ka mga patay kag 29 naman ang patay sa Indian states sang Bihar kag Assam.
Nagluntad man ang pagbaha sa Pakistan kag Bangladesh kun sa diin 28 ang napatay sa Pakistan kag 16 naman sa Bangladesh.
Masobra sa 1.6 milyon ka mga pumuluyo ang direkta nga naapektuhan sang pagbaha sa India, 2.5milyon naman sa Bihar kag 4.2 milyon sa Assam.
