Nagsaka na sa 31 ka mga indibidwal ang nagkalamatay sa lapnagon nga pagbaha sa Black Sea region sang Turkey.
Doble nga pagpanghangkat ang ginapangatubag sang Turkey bangud sang tinalikdan nga mga semana, nagluntad man ang wildfire.
Madamo sang mga establisimento ang nag-collapse pagkatapos hampakon sang dalagko nga mga balod.
May mga nagalinupad nga mga debris, may mga taytay nga nagguba, sirado ang mga dalan kag wala sang kuryente sa ginatos ka mga villages sa amo nga pungsod.
Suno kay Interior Minister Suleyman Soylu, ini na ang pinakamalala nga baha nga iya na-eksperyensyahan matapos ang ginhimo nga survey sa mga damage nga tuga sang baha sa mga probinsya sang Bartin, Kastamonu kag Sinop.
Tubtob subong, madamo pa sa gihapon ang missing kag posible nga mas magataas pa ang numero sang mga napatay.
