Naglab-ot na sa 1,411 ka tawo ang napatay sa mabaskog nga linog sa nasidlangan nga bahin sang Afghanistan, samtang masobra 3,100 ang pilason kag libo-libo ka mga panimalay ang nagkalaguba.
Natabo ang 6.0 magnitude nga linog sang Septyembre 1 sa mga probinsya sang Kunar kag Nangarhar nga amo ang nagsuprer sang pinakadako nga halit kun sa diin ginakahangaw-an nga madamo pa ang na-trap sa ila nga mga balay.
Mabudlay man ang rescue efforts bangud sa nabukid nga areas, guba nga mga dalan, kag indi maayo nga tyempo.
Nagapadala ang United Nations kag iban nga organisasyon sang bulig pareho sang bulong, tent, bayo, kag hygiene kits, samtang ang pila ka mga pilason gindala naman sa Kabul kag Nangarhar.
Nagdeploy man sang mga soldado ang Taliban agud magbulig sa operasyon.
Suno sa mga humanitarian groups, linibo ka kabataan ang apektado kag madamo sang nabilin nga residente ang nagapungko lang sa guwa bangud sa kahadlok sa aftershocks.
Pagkaon, malimpyo nga tubig, kag tents nga masilungan sang mga biktima ang pinakaimportante nga kinahanglanon subong.
