ILOILO CITY- Nagsaka na sa 62 ang numero sang napatay sa Turkey matapos ang magnitude 7 nga linog nga nag-igo sa Aegean Sea.
Duha naman ka tawo ang napatay s Greek island sang Samos suno sa Greek authorities.
Nagapadayon naman ang pagpangita sa mga survivors nga natabunan sang nalumpag nga mga buildings sa syudad sang Izmir sa western Turkey.
Suno kay Health Minister Fahrettin Koca, wala pa sang pat-ud nga numero sang mga tawo nga posible natabunan pa sa nagkalalumpag nga mga buildings.
Ginpahayag naman ni Turkish President Recep Tayyip Erdogan nga naglab-ot na sa 103 ka tawo ang narescue gikan sa mga debris.
