Nag-abot na sa Florida ang anom ka team sang federal officials lakip na ang scientists, structural engineers kag geotechnical engineer agud nga i-assess ang condo building nga nagcollapse.
Ang ini nga mga teams ang nagikan sa National Institude of Standards Technology (NIST) sa diin sila ang magapatigayon sang preliminary investigation sa materyales sang building, history sini, ang duta nga ginatindugan sang building kag iban pa.
Nagapati si Democratic Florida Rep. Debbie Wasserman Schultz nga mahibaluan sang NIST ang kabangdanan sang pagcollapse sang condo building.
Suportado naman ni US President Joe Biden ang pagpatigayon sang imbestigasyon apang wala sang plano ang presidente nga magpadulong sa lugar.
Sa subong, yara na sa 10 ang patay kag 151 ka mga indibidwal ang nagapabilin nga missing.
