Nagapadayon pa ang imbestigasyon sang otoridad kaangot sa pagtiro-patay sang isa ka personnel sang LTO sa myembro sang Criminal Investigation and Detection Group (CIDG) sa Purok-4, Barangay Sta. Cruz, San Jose, Dinagat Island.
Ang biktima amo si Patrolman Ferry Sida Jaso, 29-anyos, residente sang Mainit, Surigao del Norte.
Ang suspek naman amo si Anjun Casador, casual employee sang Land Transportation Office (LTO) kag residente sang Barangay Sta. Cruz.
Ginpahayag nga nagapatigayon sang surveillance operation ang CIDG kay Casador sang hinali lang sini ginhunos ang iya pusil kag gintiro si Jaso.
Napreso naman ang suspek sa San Jose Municipal Police Station.
