Patay ang isa babaye nga pulis sang aksidente nga matiruhan ang iya kaugalingon samtang yara sa trabaho.
Ang biktima amo si Patrolwoman Kay Remando Dumasig.
Natiruhan sini ang iya kaugalingon sa sulod sang Female Quarters sang ila nga istasyon sa Purok Tahimik, Barangay Poblacion, Matanao, Davao del Sur sang gab-i sang Hulyo 11, 2025.
Base sa una nga imbestigasyon, ginahanda sang biktima ang iya nga service firearm nga isa ka 9mm Girsan pistol bilang parte sang pagpanghanda para sa posible nga buy-bust operation.
Samtang, ginabutangan niya sang bala ang pusil, aksidente ini nga nahulog.
Sang gintuyo niya nga saluon ini, aksidente nga napitik sini ang gatilyo kag naglupok kag naigo ini sa ulo.
