Gintapos na ni Spanish basketball great Pau Gasol ang iya 23 ka tuig nga karera sa basketball.
Ang six-time All-Star kag 41 anyos nga si Gasol ang nakadaug sang back-to-back NBA titles upod ang Los Angeles Lakers sang 2009 kag 2010.
Nakahampang man siya kaupod ang Chicago Bulls, San Antonio Spurs, Milwaukee Bucks kag apat ka bulan sa Portland Trail Blazers apang wala nagdugay bangud sa iya naangkon nga injury.
Sa international stage, nakadaug siya sang silver medals sa 2008 Beijing Olympics kag 2012 London Olympics kag may bronze medala sa Rio sang 2016.
Ini ang magluwas pa sa FIBA World Cup gold sang 2006 kag tatlo ka EuroBasket titles.
