Ginpamatud-an ni Pauline Amelinckx sang Bohol nga sa ikatatlo sini nga pagsabak sa Miss Universe Philippines stage, handa siya nga makuha ang korona.
Sa preliminaries sang national pageant sa Parañaque City subong nga Myerkules, 10 gid ka special awards ang naangkon sang 26-anyos nga Belgian-Filipina beauty queen.
Lakip sa sini nga sponsor awards amo ang Miss Creamsilk Ultimate, Miss Soen, Miss Kemans Body, Miss Origee Beauty Drink by Skin Magical, Miss Hello Glow, Miss Jojo Bragais, Miss Titan Universe, Miss Enderun, Miss Smilee Apparel, kag Miss Avana.
Antes sini nga special awards, isa na ang Boholana beauty sa ginakilala nga frontrunner sa pageant subong nga tuig.
Isa man sa mga kandidata nga nag-stand out sa preliminaries amo ang isa pa ka frontrunner nga si Michelle Dee sang Makati City nga nakakuha sang awards nga Miss Pond’s, Miss Aqua Boracay, kag Miss Zion Philippines.
Patigayunon ang coronation night sang Miss Universe Philippines sa Sabado, Mayo 13, sa Mall of Asia Arena. #
