PAVIA, ILOILO– Nagpatigayun na sang massive sanitation kag disinfection sa lugar sa diin nagapuyo ang nagpositibo sa coronavirus disease 2019 sa banwa sang Pavia.
Ang duha ka mga nagpositibo ang may close contact sa patient number 11 nga nagpositibo man sa nasambit nga virus.
Sa interview sang Bombo Radyo kay Pavia Mayor Luigi Gorriceta, iya ginpahayag nga matapos nakumpirma nila nga may yara nga nagpositibo sa nasambit nga virus sa iya banwa , gilayun siya nagmando sang massive sanitation.
Suno kay Gorriceta, ginpahibalo na nila ang home owners sa ginapuy-an sang mga pasyente agud macontain ang ila tagsa ka mga miyembrokag indi na magpanic.
Nagmato-mato naman quarantine ang mga pasyente suno sa iya kag gin-isolate ang ila mga kabataan.
Magluwas diri suno sa alkalde, hugot man nga nagapakig-angot ang ila Municipal Health Office sa Department of Health kag sa Provincial Health Office, para sa dugang nga hilikuton.
Dugang pa sang natungdan, nagpahamtang na sila sang mga police sa area agud indi na makulbaan ang mga pasyente sa ila seguridad kag posible nga pagpakamalaut nga ila mabatun.
