PAVIA, ILOILO- Ginahulat nalang sang Pavia Municipal Police Station ang Forensic Result nga ginhimo sang Scene of the Crime Operatives sa natabo nga pagpatay sa Assistant Manager sang isa ka fastfood chain sa ila kaugalingon nga balay sa Gonzaga Street, Purok 4, Pavia Iloilo.
Sa interview sang Bombo Radyo kay Police Major Fernand Limbungan, hepe sang Pavia Municipal Police Station, iya ginpahayag nga may yara sila sang anom ka mga persons of interest nga makaulig sa pagsolbar sa kamatayon ni Eira Jane Fabiana, 22 anyos, assistant manager ng Jollibee sa GT Mall Pavia, Iloilo.
Suno kay Limbungan, nakapakig-angutan na nila ang anom ka mga ginakabig persons of interest kag nakuhaan na nila sang statement.
Gin-athag man ni Limbungan nga indi pa sila makapagwa sang detalye bangud padayun ang ginahimo nga imbestigasyon sa makabig sensitibo nga pagpatay kay Fabiaña.
Nahibaluan nga ginpaidalom sa autopsy examination ang bangkay sang biktima sa diin santo sa resulta wala ginhimuslan ang biktima sa baylo ginlampusan sang matig-a nga bagay ang ulo sini nga gintunaan sang iya kamatayon.
