Plano sang Pavia Municipal Police Station (MPS) nga magbutang sang Highway Police Assistance Desk (HIPAD) sa Ungka Flyover agud makaresponde gilayon sa mga insidente.
Ini kasunod man sang insidente sang isa ka pulis nga nahulogan sang debris sang flyover.
Sa interview sang Bombo Radyo kay Police Major Harold Rendora, Chief of Police sang Pavia Municipal Police Station, iya ginpahayag nga isa ini sa ginapatihan nila nga makabulig sa convergence sang traffic.
Suno kay Rendora, ang tikang ang magahatag sang police visibility sa flyover agud nga inkaso nga may disgrasya nga matabo, mas madasig ini marespondehan.
Gin-athag man sini nga indi magnubo sa apat ka mga kapulisan ang i-deploy sa lugar agud nga indi madulaan sang police visibility 24/7.
Magahimo naman sang mga pamaagi ang natungdan agud mapatuman ang tikang apisar nga may kakulangan sa numero sang kapulisan.
