Nagpanindugan si Pavia, Iloilo Sangguniang Bayan Member Pyt Trimañez nga wala sang dapat pasalamatan sa Department of Public Works and Highways (DPWH) Region 6.
Ini kasunod man sang pagbukas sang Ungka Flyover sa iya full capacity sang nagligad nga Disyembre.
Sa interview sang Bombo Radyo kay SB Trimañez, iya ginpahayag nga may pagbag-o gidman nga natabo sa dalagan sang trapiko sugod sang nabuksan ang Ungka Flyover.
Suno kay Trimañez, ang purpose sang flyover amo ang mabuhinan ang pagpugok sang trapiko sa lugar kon sa diin, nakit-an man nga nangin matalunsay na ang traffic situation subong.
Ginpahayag man sini nga mas maayo na subong ang kahimtangan sang flyover kon ikumpara sa naglinigad nga tinuig nga daw ginaduyan samtang may nagalabay sa ibabaw sini.
Nagalaum man ini nga mapabilin sang Department of Public Works and Highways nga safe kag hilway sa negatibo nga hitabo ang mga motorista nga naga-agi sa Ungka Flyover.
