Ginpahanumdom sang Department of Labor and Employment (DOLE) ang private sector employers nga sundon ang pagsulundan sa pagsweldo sa mga empleyado subong nga Disyembre 8 nga isa ka special non-working holiday bilang selebrasyon sang Feast of the Immaculate Conception of Mary.
Sa idalom sang “no-work, no-pay” principle, ang mga empleyado nga indi mag-obra subong nga adlaw ang indi entitled sa payment magluwas lang kun may yara sang nakasaad sa ila nga company policies ukon collective bargaining agreement.
Ang mga empleyado naman nga maga-obra ang entitled sa dugang nga 30 percent sang ila nga basic wage sa una nga walo ka oras.
Para sa overtime work, dapat magbayad ang employer sang dugang nga 30 percent sang hourly rate sang empleyado.
Kun ini naman nga special day nagtupa sa day off ukon rest day sang empleyado, dapat magbayad ang employer sang dugang nga 50 percent sang basic wage sa nauna nga walo ka oras.
Ini nga pagsulundan ang santo sa guidelines nga gin-set sang Republic Act 10966 nga nangin epektibo sang 2017 sang gindeklarar ang Feast of the Immaculate Conception bilang isa ka special non-working holiday ukon holy day of obligation para sa Roman Catholics.
