Dapat nga magpabilin nga patas kag wala sang pinilian ang mga barangay officials sa pagserbisyo sa ila mga pumuluyo sa ila nabilin nga termino.
Ini matapos gin-aprobahan na sang Senado ang extension sang termino sang mga barangay kag Sangguniang Kabataan officials.
Sa interview sang Bombo Radyo kay Punong barangay Ruby Ann Geanga sang President ABC Lapaz District, iya ginpahayag nga natural lamang nga may partido ukon grupo nga ginadampigan ang isa ka barangay official.
Apang iya ginpahayag nga ang pinakaimportante amo ang loyalty sa mga constituents sini kag ang paghatag sang patas nga pagtratar sa tanan.
Pahayag pa Geanga, dako ang bulig sang extension sa ila termino bangud ginapaabot nga gamiton sang mga opisyal ang dugang nga tion para ipadayon ang mga programa kag proyekto nga ila na nga nasuguran.
Dugang pa niya, apisar nga may tagsa ka ginapangatubang nga pagpanghangkat dapat suno sa iya ang barangay mismo ang sentro kag prayoridad sang mga opisyal.
Ini agud mangin malinong kag maayo ang pagsinariyo sang mga pumuluyo sini.
