PB Gimeo sang Jalandoni Estate, Lapuz, indi na luyag pa nga mag-komento sa mga alegasyon nga siya ang rason sang pagdamo sang COVID-19 cases sa Lapuz

ILOILO CITY – Ginapaiway na lang ni Punong Barangay Efren Gimeo sang Jalandoni Estate, Lapuz, Iloilo City ang mga alegasyon nga siya ang ginatudlo rason kun ngaa nagdamo ang COVID-19 cases sa distrito sang Lapuz.

Sa interview sang Bombo Radyo kay Gimeo, iya ginpahayag nga indi na lang siya mag-bais pa kun ano man ang ginahaboy nga alegasyon kontra sa iya.

Suno sa punong barangay, medical experts lamang ang makahambal kun sa diin naghalin ang virus ukon paano ini nag lapta ukon naglaton sa tawo.

Nahibaluan nga nakaguwa na sa quarantine facility si Punong barangay Gimeo matapos nga nagpositibo ini sa COVID-19.