Gin-ako sang barangay kapitan sang Brgy. Benedicto, Jaro nga indi nila makontrol ang mga obstruction sa dalan kun sa diin halos indi na masudlan sang fire truck.
Amo ini ang rason kun ngaa nabudlayan ang Bureau of Fire Protection (BFP) sa pagresponde sang nagluntad nga sunog sa lugar kahapon sang hapon.
Sa interview sang Bombo Radyo kay Punong Barangay Abelardo Salting, ginpahayag sini nga may mga illegally parked man nga mga salakyan kag nakaapekto ini sa pagresponde sang mga bombero.
Suno pa sa iya nagdugang pa gid ang kabudlayan kahapon sa pagresponde sa sunog bangud may nag-guba sang dry standpipe (dry hydrant system) kag may nagkawat pa sang cappling.
Sa karon nagapanawagan si Punong barangay Salting sa publiko nga hatagan man sang bulig ang mga biktima.
Nagpangabay man ini nga indi na lang magbinasulay ang mga pumuluyo sa natabo nga sunog.
