Nagapanguna si Christian Standhardinger sang Barangay Ginebra sa contenders para sa Best Player of the Conference (BPC) sa Philippine Basketball Association (PBA) Governors Cup.
Sa statistics tally nga gin-release sang liga sa katapusan sang eliminations, nakatipon si Standhardinger sang 42.8 statistical points pagkatapos sang solid numbers nga 22.9 points, 10.2 rebounds, kag 6.0 assists sa siyam ka mga hampang.
Ang 30-anyos nga Filipino-German star amo ang nangin main option sang Kings matapos ang injury nga naangkon ni Japeth Aguilar.
Nagasunod sa iya sa BPC race amo si CJ Perez nga may 39.3 statistical points kag June Mar Fajardo nga may 37.6 statistical points.
Nagtabog naman sa ika-11 nga pwesto si Scottie Thompson nga amo ang reigning Most Valuable Player kag Best Player of the Conference winner sang Commissioner’s Cup.
Samtang, sa Best Import race naman, leading candidate si Rondae Hollis Jefferson sang Talk ‘N Text nga may 59.0 statistical points. ##
