Patas na sa 2-2 ang serye sa Philippine Basketball Association Governor’s Cup finals matapos ginlutos sang TNT ang Barangay Ginebra, 116-104, sa Game 4 sa Araneta Coliseum.
Sa kinaandan, ginpangunahan sang newly-crowned Best Import nga si Rondae Hollis-Jefferson ang Tropang GIGA paagi sa iya impresibo nga 36 points, 10 rebounds, five assists kag steals.
Apang sa sini nga Game 4, daku ang nangin amot sang iya teammates nga naka-produce sang kabug-usan nga 21 ka tres nga amo ang pinakadamo nga na-rekord sa PBA Finals series.
Sanday Mikey Williams, Kib Montalbo, Calvin Oftana kag Jayson Castro ang nagbulos-bulos sa three-point area agud dalayon nga mapatumba ang defending champions nga Ginebra.
Si Castro ang may yara sang 17 points, samtang may tag-16 naman sanday Williams, Montalbo kag Oftana.
Nahimo ini sang team apisar wala si Roger Pogoy bangud sa iya fractured nga tudlo.
Nagpanguna naman sa Ginebra si Justin Brownlee nga may 28 points samtang ang Best Player of the Conference winner naman nga si Christian Standhardinger ang may yara lamang sang 10 points kag nine rebounds.
Natalana ang Game 5 sa Myerkules sa amo man gihapon nga venue.
