Aga pa nga nagboto si President Ferdinand “Bongbong” Marcos Jr. sa Mariano Marcos Memorial Elementary School sa Batac, Ilocos Norte.
Kaupod sang punong ehekutibo ang iya iloy nga si former First Lady Imelda Marcos, utod nga si Irene Marcos, kag anak nga si Ilocos Norte Rep. Sandro Marcos.
95-anyos na ang former first lady kag nakasakay ini sa iya wheelchair sang nag-abot sa eskwelahan.
Antes ang adlaw sang eleksyon, nagpangabay si President Marcos sa mga pumuluyo nga gamiton gid ang ila kinamatarong sa pagboto kag magpili sang mga kandidato nga makaserbe gid sa pungsod.
“Ngayong halalan, gamitin natin ang ating karapatan at gampanan ang ating pananagutan bilang mamamayang Pilipino. Isang pagkakataon ito para marinig ang boses ng bawat isa at maipahayag ang mga pangarap na mahalaga sa inyo at sa bayan,” kabahin sang pahanumdom sini sa video message.
“Kaya bumoto po tayo. Piliin ang tapat, may malasakit, at may kakayahang magsilbi,” dugang sini.#
