Gimando ni President Ferdinand Marcos Jr. ang maid-id nga imbestigasyon sa pagpangluthang sa Ateneo de Zamboanga University nga ginkamatay sang duwa ka mga estudyante kaina sang aga.
Isa sa napatay amo ang mismo gunman nga nagtiro sang kaugalingon matapos ang mass shooting.
Ginpahayag ni Presidente Marcos nga kinahanglan nga matumod indi lamang ang mga hitabo sa insidente kundi ang mga tikang nga dapat himuon agud malikawan nga masulit ini nga trahedya sa bisan diin man nga eskwelahan.
Ginpasiguro man ni Marcos nga pabaskugon sang gobyerno sa bulig sang mga eskwelahan kag komunidad ang mga pagsulundan para sa safety sang mga estudyante.
Nagpalab-ot naman sang pagpakig-unong si Marcos sa mga pamilya sang mga napatay.
Sa subong, padayon ang imbestigasyon sang mga awtoridad sa motibo sang suspek kag mga posible nga kakulangan sang eskwelahan sa ila ginapatuman nga seguridad.
