Ginpaidalum sa medical treatment si President Ferdinand ”Bongbong” Marcos Jr. kagab-i matapos ini ginpahayag nga nakabatyag sang “discomfort” ukon paglain sang pamatyag.
Suno kay Palace Press Officer Undersecretary Atty. Claire Castro, iya ginpahayag nga ang “discomfort” nga nabatyagan ni Marcos ang possible bangud sa tuman sini nga kakapoy sa pag-obra sang iya katungdanan bilang presidente.
Dugang pa sini nga, gin-abisuhan sang iya doctor si President Marcos nga magpahuway kag ipaidalom sa monitoring.
Sa karun, yara na sa estable nga kondisyon ang president kag nagpasalig naman si Castro nga magapadayon ang serbisyo ni President Marcos samtang padayon ini nga nagapaayo.
![Pinterest](https://pinterest.com/pin/create/button/?url=https://iloilo.bomboradyo.com/pbbm-ginpaidalum-sa-medical-treatment-matapos-makabatyag-sang-discomfort/&media=https://img.bomboradyo.com/iloilo/2026/01/Marcos.webp&description=Ginpaidalum sa medical treatment si President Ferdinand ''Bongbong'' Marcos Jr. kagab-i matapos ini ginpahayag nga nakabatyag sang "discomfort" ukon paglain sang pamatyag.){kind=link}