Ginpasumiter ni President Ferdinand “Bongbong” Marcos, Jr. sang courtesy resignation ang tanan niya nga Cabinet secretaries.
Ang pangabay para sa courtesy resignations nagatuyo sa paghatag sa Presidente sang elbow room sa pag-ebalwar sang performance sang tagsa ka departamento kag pagdeterminar kon sin-o ang magapadayon sa pag-alagad suno sa gin-recalibrate nga mga prayoridad sang administrasyon.
Ini nga tikang nagamarka sang maathag nga pagbalhin gikan sa temprano nga hugna sang pagdumala pakadto sa mas nasentro kag ginatuytuyan sang performance nga pamaagi.
Ginhatagan pagtamod sang Presidente nga samtang madamo ang nag-alagad nga may dedikasyon kag propesyonalismo, ang nagabag-o nga mga kinahanglanon sang pungsod nagakinahanglan sang isa ka bag-o nga pag-align, mas madasig nga pagpatuman, kag isa ka results-first mindset.
Nagpasalig man ini nga ang mga serbisyo sang gobyerno magapabilin nga wala sang untat kasunod sang amo nga transisyon, kag ginsulit sang Presidente nga ang kalig-on, pagpadayon, kag meritocracy magagiya sa pagporma sang iya leadership team nga nagapadayon.
Lakip sa mga nakapasa na sang resignations amo sanday:
Executive Secretary Lucas Bersamin
Foreign Affairs Sec. Enrique Manalo
Finance Sec. Ralph Recto
Defense Sec. Gilbert Teodor
Justice Sec. Boying Remulla
Interior Sec. Jonvic Remulla
Agriculture Sec. Francisco Tiu Laurel, Jr.
Tourism Sec. Christina Frasco
Social Welfare Sec. Rex Gatchalian
Education Sec. Sonny Angara, kag iban pa.
Kaangot diri, si President Marcos Jr., ang nag-joke pa nahanungod sa iya “resign-all” nga mando sa mga sekretaryo sang Gabinete sa tion sang pagpresentar sang bag-o nga ginpirmahan nga mga kasuguan sa mga nagapatuman nga mga ahensya kag mga stakeholders.
